کیا سرکاری لیبارٹری کا ٹیسٹ باہر پرائیویٹ ریٹ پر بیچنا جائز ہے یا نہیں؟
سرکاری ہسپتالوں یا سرکاری لیبارٹریز میں جو ٹیسٹ کیے جاتے ہیں اُن کا مقصد غریب عوام کو ریلیف دینا یا مفت سہولت میسر کرنا ہوتا ہے،اس لیے سرکار کی طرف سے عوام سے اس ٹیسٹ کی کوئی فیس وصول نہیں کی جاتی، یا بہت ہی معمولی فیس وصول کی جاتی ہے، بلکہ اُس کے جملہ اخراجات حکومتی فنڈز سے پورے کیے جاتے ہیں، اب اگر کوئی سرکاری عہدیدار سرکاری لیبارٹری میں کیے جانے والے ٹیسٹ کی فیس مریضوں سے لینا شروع کر دے جس کا کوئی پرمِٹ بھی موجود نہ ہو تو اس طرح اس کا فیس وصول کرنا جائز نہیں ہو گا اور وہ رقم اُس کے لیے حلال بھی نہ ہو گی۔ فقط واللہ اعلم
فتوی نمبر : 144205200913
دارالافتاء : جامعہ علوم اسلامیہ علامہ محمد یوسف بنوری ٹاؤن