سوال

گھوڑا کھانا حلال ہے یا حرام اگر آدمی ایسی جگہ ہو جہاں گھوڑے کا گوشت دستیاب ہو تو کیا کرے؟

جواب

واضح رہے کہ اگرچہ فی نفسہ گھوڑا حلال جانور ہے، لیکن چونکہ گھوڑا جہاد کے اہم ذرائع میں سے ایک ہے، اگر اس کو بھی عام حلال جانوروں کی طرح ذبح کیا جائے گا، تو اس کے نتیجے میں جہاد کے آلات میں کمی واقع ہو جائے گی، چنانچہ فقہاء کرام نے اس خطرے کے پیش نظر گھوڑے کو ذبح کرنا مکروہ قرار دیا ہے۔

صورت  مسئولہ میں گھوڑا آلہ جہاد ہو نے کی وجہ سے  اس کا گوشت کھانا مکروہ تحریمی ہے ، امام ابوحنفیہ رحمہ اللہ کا اسی پر فتوی ہے ۔

فتاوى هنديہ میں ہے:

" يكره لحم الخيل في قول أبي حنيفة رحمه الله تعالى، خلافاً لصاحبيه، واختلف المشايخ في تفسير الكراهة، والصحيح أنه أراد بها التحريم، ولبنه كلحمه، كذا في فتاوى قاضي خان. وقال الشيخ الإمام السرخسي: ما قاله أبو حنيفة رحمه الله تعالى أحوط، وما قالا أوسع، كذا في السراجية".

( الفتایٰ الهندية، كتاب الذبائح،الباب الثالث في المتفرقات،290/5، رشيدية)

فقط واللہ اعلم