خواتین کے لیے گھر میں فرض نماز پڑھنے کا مستحب وافضل وقت کیا ہے؟
صورتِ مسئولہ میں عورتوں کے ليے گھر میں فرض نماز کا مستحب و افضل وقت فجر کی نماز کےلیے تغلیس یعنی اندھیرے میں نماز پڑھنا افضل ہے،اور باقی نمازوں میں مردوں کے جماعت سے فارغ ہونے کا انتظار کریں، جب مرد جماعت کی نماز سے فارغ ہوجائیں تو پھر عورتوں کےلیے نماز پڑھنا افضل ہے۔
الدرالمختار مع الردالمحتار میں ہے:
"فالتغليس أفضل كمرأة مطلقا. وفي غير الفجر الأفضل لها انتظار فراغ الجماعة."
(کتاب الصلوٰۃ،ج:1،ص:366،ط:سعید)
فقط واللہ اعلم
فتوی نمبر : 144401100640
دارالافتاء : جامعہ علوم اسلامیہ علامہ محمد یوسف بنوری ٹاؤن
