سوال

 انار کا درخت گھر میں لگانا چاہیے ؟

جواب

واضح رہے کہ درخت لگانا ایک پسندیدہ عمل ہے ، آپ صلی اللہ علیہ وسلم نے بھی درخت لگانے کی ترغیب دی ہے ، آپ صلی اللہ علیہ  وسلم کا ارشاد ہے کہ جو مسلمان کوئی پودا لگاتا ہے یا کھیتی بوتا ہے پھر اس سے کوئی پرندہ ، انسان یا کوئی جانور  کھاتا ہے تو  یہ اس کے لیے صدقہ ہے۔لہذا صورت ِ مسئولہ میں گھر میں انار کا درخت لگانا جائز ہے ، ضروری نہیں ہے۔

مشکاۃ المصابیح میں ہے:

"وعن أنس قال: قال رسول الله صلى الله عليه وسلم ما ‌من ‌مسلم ‌يغرس غرسا أو يزرع زرعا فيأكل منه إنسان أو طير أو بهيمة إلا كانت له صدقة."

(باب فضل الصدقہ ،الفصل الاول،ج:1،ص:595،ط:المکتب الاسلامی)

فقط واللہ اعلم