سوال

امریکہ میں بینک سے سود پر قرض لیے بغیر گھر بنانا بہت مشکل ہے، اس کا جائز طریقہ کیا ہے کہ ہم بینک سے قرض لے کر سود سے بچیں؟

جواب

صورتِ مسئولہ میں بینک سے قرضہ لینا جائز نہیں ہے، کیوں کہ  سود لینا اور سود دینا دونوں قرآن و حدیث کی قطعی نصوص سے حرام ہیں، حدیثِ مبارک میں  سودی لین دین کرنے والوں پر لعنت کی  گئی ہے، اور بینک  سے   ملنے والا قرض سراسر سود پر مشتمل ہوتا ہے، اور بینک سے قرض لینا سودی معاملہ ہے،  اور سودی قرض لینا جائز نہیں  اگرچہ امریکہ یا کسی اور غیر مسلم ملک میں ہو۔

صحیح مسلم میں ہے:

"عن جابر، قال: «لعن رسول الله صلى الله عليه وسلم آكل الربا، ومؤكله، وكاتبه، وشاهديه»، وقال: «هم سواء»."

(کتاب المساقاۃ ، باب لعن آکل الربا و مؤکله جلد ۳ ص: ۱۲۱۹ ط: داراحیاء التراث العربي)

الدر المختار  میں ہے:

"وفي الأشباه ‌كل ‌قرض جر نفعا حرام."

(کتاب البیوع ، فصل فی القرض جلد ۵ ص: ۱۶۶ ط: دارالفکر)

فقط و اللہ اعلم