’’حضرت صاحب تم تو اللہ تعالی کے گھر شادی پر آئے ہو‘‘ یہ جملہ کہنا کیسا ہے ؟
مذکورہ جملہ کہنا درست نہیں، اس لیے کہ اس میں غلط معنی کا شائبہ ہے، کہنے والے کو چاہیے کہ آئندہ احتیاط کرے۔ تاہم اس سے کفر لازم نہیں آئے گا، کیوں کہ بظاہر کہنے والے کا مقصد مخاطب کو مسجد کے آداب کا خیال رکھنے کی تلقین کرنا ہے؛ گویا اللہ کے گھر میں تمہارا رویہ ایسا ہے جیسے کسی شادی والے گھر میں جاکر انسان برتاؤ کرتاہے۔ فقط واللہ اعلم
فتوی نمبر : 144109202571
دارالافتاء : جامعہ علوم اسلامیہ علامہ محمد یوسف بنوری ٹاؤن