سوال

اگر غیر صائم ذبح کرے تو کیا ذبیحہ حرام ہو جاتا ہے؟

جواب

واضح  رہے  کہ ذبیحہ کے لیے حلال ہونے کے لیے ذبح کرنے والے کا مسلمان ہونا شرط ہے، اور رمضان المبارک میں بغیر عذر کے روزہ نہ رکھنے والا (غیرصائم)  سخت گناہ گار ہونے کے باوجود مسلمان ہے اور دائرۂ اسلام سے خارج نہیں ہے؛  لہذا صورتِ مسئولہ میں رمضان میں روزہ نہ رکھنے والے(غیر صائم)  کا ذبیحہ حلال ہے، بشرطیکہ ذبح کے وقت وہ جان بوجھ کر اللہ کا نام نہ چھوڑے۔

الدر المختار میں ہے:

"(وشرط كون الذابح مسلمًا حلالًا خارج الحرم إن كان صيدًا)."

(فتاوی شامی ج نمبر ۶ ص نمبر ۲۹۶،ایچ ایم سعید)

فقط واللہ اعلم