سوال

میں انگلینڈ میں رہتا ہوں، ہم کار کا انشورنس کراتے ہیں، اگر نہ کروائیں تو وہ لوگ ہماری کار لے جاتے ہیں یا اس شخص کو گرفتار کرلیتے ہیں، مختصر یہ کہ ہم کار نہیں چلا سکتے۔ براہِ کرم شرعی حکم بتائیں کہ کیا کیا جائے؟

جواب

کار انشورنس بھی جوئے کی ایک صورت  ہے ، لہذا اپنے اختیار سے کار انشورنس کراناشرعاً جائز نہیں، لیکن جبری اور قانونی طور پر اگر کار کی انشورنس کرانا لازمی ہو تو دل سے ناجائز سمجھتے ہوئے انشورنس کرانے والے مجبور شخص کو  اس کا گناہ نہیں ہوگا،  البتہ ایکسیڈنٹ کی صورت میں صرف اپنی جمع کی ہوئی رقم کی بقدر ہی فائدہ اٹھاسکتے ہیں۔ فقط واللہ اعلم