نکاح کے بعد رخصتی عمل میں نہیں آئی، اور نہ ہی کسی قسم کی خلوت و ہمبستری ہوئی، خاوند کی طرف سے تین طلاق ایک ہی جملہ میں دے دی گئیں؟ تو ایسی صورت میں کیا تین طلاقیں واقع ہوجائیں گی؟
صورتِ مسئولہ میں اگر ہمبستری سے پہلے ایک ہی جملے میں تین طلاقیں دے دیں، تو تینوں طلاقیں واقع ہوجائیں گی اور بیوی حرمتِ مغلظہ کے ساتھ حرام ہوجائے گی۔
فتاوی عالمگیری میں ہے:
"(الفصل الرابع في الطلاق قبل الدخول) إذا طلق الرجل امرأته ثلاثا قبل الدخول بها وقعن عليها."
(كتاب الطلاق، ج:1، ص:373، ط:دار الفكر)
فقط والله أعلم
فتوی نمبر : 144402100743
دارالافتاء : جامعہ علوم اسلامیہ علامہ محمد یوسف بنوری ٹاؤن
