گائے کے سینگ نکالنا جائز ہے یا نہیں؟ 2 دانت سے زیادہ عمر کی گائے ہے؟
صورتِ مسئولہ میں سینگ نکالنے کے لیے ایسا طریقہ اختیار کرنا جس سے گائے کو اذیت ہو، ناجائز ہے۔
اور اگر خوب صورتی کے لیے اوپر سے ہی سینگ کاٹ کر گھس دیے جائیں جس سے جانور کو تکلیف نہ ہو، اور سینگ جڑ سے نہ اکھاڑے گئے ہوں اور دماغ تک زخم نہ پہنچے تو ایسے جانور کی قربانی درست ہوگی۔
فيض القدير (5 / 276):
"(لعن الله من مثل بالحيوان) أي صيره مثلة بضم فسكون بأن قطع أطرافه أو بعضها وهو حي وفي رواية بالبهائم واللعن دليل التحريم."
فقط واللہ اعلم
فتوی نمبر : 144204201299
دارالافتاء : جامعہ علوم اسلامیہ علامہ محمد یوسف بنوری ٹاؤن