سوال

میں نے 3 سال پہلے ایک عورت سے نکاح کیا،جو کہ گواہوں کی موجودگی میں ہوا تھا، اس عورت نے عدالت سے یک طرفہ خلع لیا ہوا تھا، تو ہمیں کسی نے کہا کہ یہ خلع معتبر نہیں، پھر ہم نے مفتی صاحب سے بات کی تو انھوں نے بھی یہی کہا، تو ہم الگ ہو ئے، پھر کوئی 1 سال پہلے اس عورت کے پہلے شوہر نے اس خلع کے پیپرز پر سائین کر دیئے، اور کہا کہ آج سے تم آزاد ہو، تو پھر عدت گزرنے کے بعد ہم نے پھر نکاح کر لیا، لیکن یہ نکاح ہم دونوں نے اکیلے میں کیا، یعنی بس ہم دونوں نے ایجاب و قبول کیا، کوئی گواہ نہیں تھا، تو پھر ہمیں کسی نے کہا کہ یہ شرعی نکاح نہیں ہوا ہے،تو یہ بتائیں کہ کیا ہمارا نکاح ہو چکا ہے؟ یا کسی قاضی صاحب سے گواہوں کی موجودگی میں نکاح ضروری ہے؟ اور یہ اس عرصہ میں جو تعلقات قائم رہے؟اس کے بارے میں کیا حکم ہے؟ ہم بہت پریشان ہیں، اس مسئلے کا حل بتا دیں؟ 

جواب

صورتِ مسئولہ میں سائل کاگواہوں کے بغیر  نکاح کرنے سے،یعنی صرف ایجاب و قبول کرنے سےنکاح منعقدنہیں ہو ا ، اور جتنا  عرصہ سائل کا اس عورت کے ساتھ گزارا ہے،بغیر نکاح کے گزارا ہے،لہذا اب جب معلوم ہو چکا ہے کہ نکاح نہیں ہو اتھا، تو فوراً گواہان کی موجودگی میں  نکاح کر لینا چاہیےتھا،اور جتنا عرصہ بغیر نکاح کے ایک ساتھ گزارا ہے،اس پر توبہ واستغفار  کرتے رہیں،نیز جو عرصہ  سائل نے اس عورت کے ساتھ یکہ طرفہ خلع کے بعد گزارہ ہے،اس پر بھی دونوں توبہ واستغفار  کرتے رہیں۔