نکاح سے پہلے مشت زنی کرنا کیسا ہے؟ میرا نکاح نہیں ہوا ہے پر میری عمر 23 سال ہے اور گھر والے بھی میرا نکاح کرانے میں تاخیر کر رہے ہیں تو کیا جب شہوت زیادہ بڑھ جائے اور بے قابو ہو جانے پر مجبور ہو کر کہ یہ شہوت والے خیالات نہ آئیں، بعض دفعہ عبادات میں بڑی دشواری ہوتی ہے تو کیا مشت زنی کرنا لینا چاہیے؟ روزہ رکھ کر بھی دیکھ چکا ہوں!
مشت زنی کسی حالت میں بھی جائز نہیں ہے، غلبہ شہوت کی وجہ سے بھی جائز نہیں ہے، حدیث میں اس عمل کے مرتکب پر لعنت کی گئی ہے، اگر ایک آدھ روزہ رکھنے سے فائدہ نہیں ہورہا تو مسلسل روزے رکھیں، اور نکاح میں تاخیر نہیں کرنی چاہیے، اگر آپ مہر ادا کرنے اور بیوی کا معتدل نفقہ اٹھانے پر قادر ہیں تو بلاتاخیر نکاح کرلینا چاہیے، نکاح میں تاخیر کرنا اور شہوت کو ناجائز طریقے سے پورا کرنا عقل مندی نہیں ہے۔ تفصیل کے لیے درج ذیل لنک ملاحظہ کیجیے:
نیز نیک لوگوں کی صحبت میں بیٹھنے کا اہتمام کریں۔ فقط واللہ اعلم
فتوی نمبر : 144203201534
دارالافتاء : جامعہ علوم اسلامیہ علامہ محمد یوسف بنوری ٹاؤن
