سوال

کیا اللہ کے علاوہ کسی اور کی قسم کھانا شرک ہے ، اگر ہاں تو میں نے بہت سے اشعار سنے ہیں، جن میں تبسم، پردہ نشینی ،نگاہ جیسی چیزوں کی قسم دی گئی ہے ،ان کے بارے میں کیا حکم ہے ؟

جواب

واضح رہے کہ قسم اٹھانا دو طرح کاہوتا ہے: (1)تعظیماً ۔   (2) تزیناً۔ ایک قسم" قسمِ شرعی "ہوتا ہے،اور دوسرا قسم "قسمِ لغوی" یعنی صیغہ اگرچہ قسم کا ہوتا ہے لیکن اس سے مقصد کلام کی تزین،اور خوب صورتی ہوتی ہے۔لہذا اگر غیر اللہ کی قسم کھائےبطور تعظیم ہو تو شرک ہے،اور اگر بطور تزین ہو تو "قسم لغوی "ہونے کی وجہ سےبندہ مشرک نہیں ہوتا،اور اشعار میں بظاہر قسم لغوی ہی ہوتا ہے۔

فتاوی شامی کے مقدمہ میں ہے:

"وفي شرح النقاية للقهستاني: لا يجوز أن يحلف بغير الله تعالى، ويقال لعمر فلان، وإذا حلف ليس له أن يبر، بل يجب أن يحنث، فإن البر فيه كفر عند بعضهم كما في كفاية الشعبي اهـ. أقول: لكن قال فاضل الروم حسن جلبي في حاشية المطول: قوله: لعمري يمكن أن يحمل على حذف المضاف: أي لواهب عمري وكذا أمثاله مما أقسم فيه بغير الله تعالى كقوله تعالى - {والشمس} [الشمس: 1]- والليل - والقمر - ونظائره أي ورب الشمس إلخ. ويمكن أن يكون المراد بقولهم لعمري وأمثاله ذكر صورة القسم لتأكيد مضمون الكلام وترويجه فقط لأنه أقوى من سائر المؤكدات، وأسلم من التأكيد بالقسم بالله تعالى لوجوب البر به، وليس الغرض اليمين الشرعي وتشبيه غير الله تعالى به في التعظيم حتى يرد عليه أن الحلف بغير اسمه تعالى وصفاته عز وجل مكروه كما صرح به النووي في شرح مسلم، بل الظاهر من كلام مشايخنا أنه كفر إن كان باعتقاده أنه حلف يجب البر به، وحرام إن كان بدونه كما صرح به بعض الفضلاء، وذكر صورة القسم على الوجه المذكور لا بأس به، ولهذا شاع بين العلماء، كيف وقد «قال عليه الصلاة والسلام قد أفلح وأبيه» وقال عز من قائل - {لعمرك إنهم لفي سكرتهم يعمهون} [الحجر: 72]- فهذا جرى على رسم اللغة وكذا إطلاق القسم على أمثاله ."

(مقدمة، ج: 1 ص: 17 ط: سعید)

علامہ شبیر احمد عثمانی رحمہ اللہ کی  درس بخاری میں ہے:

قوله: قد أفلح: بعض دوسری روایات میں اور مسلم وغیرہ میں بھی" أفلح وأبیه "آیا ہے،اس پر یہ  اعتراض ہوتا ہے کہ غیرُاللہ کی قسم تو جائز نہیں،توجواب میں اس کے مختلف تاؤیلات کی گئی ہیں،کسی نے کہا ہے کہ یہ خصائصِ نبوی میں سے ہے،توسوال ہوا کیوں خصائص سے ہے؟تو زرقانی نے لکھاہے کہ خلف لغیرِاللہ کی ممانعت  اس لیےکی گئی ہےکہ تعظیمِ مفرط غیراللہ کی نہ ہو،اور حضور صلی اللہ علیہ وسلم چوں کہ تعظیمِ مفرط سے مأمون ہیں،اس لیے آپ کے لیے جائز ہے،مگربہترین جواب حنفی عالم حسن چلپی کا ہے،وہ مطول کے حاشیہ میں لکھتے ہے کہ قسم دو ہیں: ایک لغوی ،دوسرا شرعی،لغوی میں صیغہ قسم کا ہوتاہے مگرمقصود تزین کلام ہوتا ہے، اور محض ترویج اور  خوب صورت بنانا ہوتا ہے۔

جیسا کہ ذوق کا شعر ہے:

اتنا ہوں تری تیغ کا شرمندہ احسان                                                                                                                                                                                                                                                                                                                                        سر میرا ترے سر کی قسم نہیں اٹھا سکتا

شمع نے آگ رکھی سر پہ قسم کھانے کو                                                                                                                                                                                                                                                                                                                                      بخدا میں نے جلائے نہیں پروانے کو

تو درحقیقت یہاں تزین ہے،اور شرعی قسم وہ ہے، جہاں تعظیم ہو،اور وہ حلف ہے۔

در المحتار میں خطبہ میں جہاں "و لعمری" آیا ہے،وہی  شامی نے حسن چلپی کی یہ عبارت نقل کی ہے۔

(باب :إتباع الجنائز من الإیمان(خلف لغیرِ اللہ کی ممانعت کیں؟) ، ص:267 ط: سعید)

فقط والله أعلم