سوال

 اگر نماز جمعہ سے قبل جو خطبہ پڑھا جاتا ہے اگر ویڈیو لنک یا آواز سنا دی جائے موبائل وغیرہ پر چلا کر تو کیا خطبہ ہوجائے  گا ؟ اوراس کے بعد عام آدمی نماز پڑھا دے۔

جواب

واضح ہو کہ جمعہ کے خطبے کی شرائط میں صرف "خطبہ سننا" ہی نہیں، بلکہ "خطیب کے ساتھ اتنے لوگوں کا حاضر ہونا جس سے جمعہ کی جماعت ہوسکے (یعنی کم از کم تین بالغ مرد)" بھی شرط ہے؛ لہذا ویڈیو لنک پر دیا جانے والا خطبہ یا ایسے شخص کی آواز سنانا جو موجود نہ ہو، جمعے کے خطبے کے لیے کافی نہیں ہے۔ نیز ویڈیو لنک میں اگر خطیب کی تصویر ہو تو یہ خود ایک گناہ کا عمل ہے۔

الدر المختار وحاشية ابن عابدين (رد المحتار) (2 / 148):

"(قوله: لأن الأمر بالسعي ليس إلا لاستماعه) كذا قال في النهر، وفيه: أن الشرط الحضور كما مر لا السماع فكان المناسب أن يقول: لأن المأمور بالسعي جمع، تأمل."

 فقط واللہ اعلم