سوال

جیسا کہ گیس کے نئے کنکشن پر پابندی ہے توہمارے ہاں سب لوگوں نے غیر قانونی کنکشن  لگوالیے یہ کہہ  کر کہ ہم تو میٹر لگانے کے  لیے تیار ہیں، لیکن  گورنمنٹ نہیں دے رہی۔ اسلامی اصولوں کے مطابق آپ رہنمائی  فرمائیں!

جواب

واضح رہے کہ متعلقہ محکمہ کی اجازت کے  بغیر  گیس کے غیر قانونی  کنکشن  لینا شرعاً درست نہیں ہے، قانونی تقاضے پورے کرکے متعلقہ محکمہ سے منظوری لے کر گیس کا کنکشن لینا چاہیے ،البتہ  اگر گیس کے استعمال کرنے کے بعد اُس کا باقاعدہ بل کمپنی کو ادا کیا جاتا ہے تو   اس کنکشن سے حاصل شدہ گیس کے استعمال کرنے اور  اس گیس پر پکے ہوئے کھانے کے کھانے کی گنجائش ہو گی۔

شرح المجلہ ميں ہے:

"لا يحل لأحد أن يأخذ متاع أخيه لاعبا ولا جادا فإن أخذه فليرده» فإذا أخذ أحد مال الآخر بدون قصد السرقة هازلا معه أو مختبرا مبلغ غضبه فيكون قد ارتكب الفعل المحرم شرعا."

(درر الحکام في شرح مجلة الأحكام،مقدمة الكتاب، المقالة الثانیة، المادة: 97، 98/1، ط: دار الجيل) 

 فقط واللہ اعلم