ایک شخص کی درزی کی دکان ہے جس پر گاہک کے کپڑے سلے ہوئے رکھے ہیں جو چار سال سے وصول نہیں کر رہا ہے، تو ایسے رکھے ہوئے کپڑوں کے بارے میں کیا خیال ہے کہ وہ درزی خود ا سے خوداستعمال کرسکتا ہے یا نہیں؟
مذکورہ درزی کے لئے گاہک کے کپڑے خود استعمال کرنا جائز نہیں ہے، درزی کو چاہیئے کہ اس گاہک کے کپڑے سنبھال کر رکھے اور جب وہ آجائے تو اسے حوالہ کردے، اگر کپڑے سنبھال کر رکھنا مشکل ہے تو اسے بیچ کر اس کی قیمت کو حفاظت سے رکھ لے اور گاہک کے آنے پر اسے وہ قیمت ادا کردے۔
فقط واللہ اعلم
فتوی نمبر : 144210200566
دارالافتاء : جامعہ علوم اسلامیہ علامہ محمد یوسف بنوری ٹاؤن