سوال

 سوئی گیس کے 88 یونٹ کا بل 1200 ہے،  اور 93 یونٹ کا بل 3920 ہے،  اب اس بل کو 88 یونٹ کروانا کیسا ہے؟   تا کہ اس نئے شیڈیول کے ٹیکس سے بچ سکے۔

جواب

واضح رہے کہ حکومت  کی طرف سے قیمتاً جو سہولیات عوام کو فراہم کی جاتی ہیں ان پر معاشرے کا مشترکہ حق ہوتا ہے، اور اس  حق سے خلافِ ضابطہ فائدہ اٹھانا عوامی حق تلفی اور دھوکا دہی کے زمرے میں آنے کی وجہ سے شرعاً ناجائز ہوتا ہے، اور اجتماعی چیز کی چوری کا گناہ بھی فرد کی چوری سے زیادہ ہے، لہذا صورتِ مسئولہ میں گیس بل کے یونٹ میں ٹیکس سے بچنے کے لیے کمی کروانا جائز نہیں ہے۔

فتاویٰ شامی میں ہے:

"قال القهستاني: وهي نوعان؛ لأنه إما أن يكون ضررها بذي المال أو به وبعامة المسلمين، فالأول يسمى ‌بالسرقة ‌الصغرى والثاني بالكبرى، بين حكمها في الآخر؛ لأنها أقل وقوعا وقد اشتركا في التعريف وأكثر الشروط اهـ أي؛ لأن المعتبر في كل منهما أخذ المال خفية، لكن الخفية في الصغرى هي الخفية عن عين المالك أو من يقوم مقامه كالمودع والمستعير. وفي الكبرى عن عين الإمام الملتزم حفظ طرق المسلمين وبلادهم كما في الفتح."

(‌‌كتاب السرقة، ج:4، ص:82، ط:سعيد)