سوال

فدیہ کی رقم پورا سال تھوڑا تھوڑا کرکے دے سکتے ہیں؟

جواب

واضح رہے کہ روزے کا فدیہ اس صورت میں دیا جاتاہے جب کوئی شخص بہت زیادہ بوڑھا اور ضعیف ہونے کی وجہ سے بالکل روزہ نہ رکھ سکتا ہو یا ایسی بیماری میں مبتلا ہو کہ روزے کی بالکل استطاعت نہ ہو اور ڈاکٹروں کے مطابق آئندہ اس کی صحت کی امید نہ ہو۔ ایسے افراد کو  روزے کی جگہ فدیہ  دینے کی اجازت ہےاور ایسے شخص کے لیے   بہترتو  یہ ہے کہ جلد از جلد اسے ادا کردے،  تاہم یک مشت دینا ضروری نہیں، جب استطاعت ہو  فدیہ کی رقم   ادا کرنا درست ہے ،پورے سال تھوڑا تھوڑا کرکے بھی یہ رقم ادا کرسکتے ہیں۔

وفي الفتاوى الهندية :

(ومنها: كبر السن) فالشيخ الفاني الذي لا يقدر على الصيام يفطر ويطعم لكل يوم مسكينا كما يطعم في الكفارة كذا في الهداية. والعجوز مثله كذا في السراج الوهاج. وهو الذي كل يوم في نقص إلى أن يموت كذا في البحر الرائق. ثم إن شاء أعطى الفدية في أول رمضان بمرة، وإن شاء أخرها إلى آخره كذا في النهر الفائق.(1/ 207ط:دار الفكر)

فقط والله أعلم