اس سال فدیہ کی مقداریومیہ کتنی ہوگی؟
ایک روزے کےفدیہ کی مقدار پونے دو کلو گندم یا اس کی قیمت ہے، مہینہ میں جتنے روزے ہوں 29 یا 30 اتنے ہی فدیہ ادا کرنے ہوں گے۔ اس سال (2020ء - 1441ھ) کراچی اور اس کے مضافات میں پونے دو کلو گندم کی قیمت کے حساب سے ایک فدیہ کی مقدار 100 روپے ہے۔
اگر کوئی شخص اتنا بوڑھا یا ایسا بیمار ہو کہ اس کے صحیح ہونے کی امید نہ ہو تو ایسا شخص ہر روزہ کے بدلے پونے دو کلو گندم یا اس کی قیمت( جو کہ کراچی میں آج کل تقریباً100 روپے ہے) کسی مستحق شخص کو دے دے۔ اور جس مریض کے صحت یاب ہونے کی امید ہو تو اس کے لیے فدیہ کا حکم نہیں ہے، بلکہ صحت یاب ہونے کے بعد وہ روزوں کی قضا کرے گا۔ فقط واللہ اعلم
فتوی نمبر : 144108201974
دارالافتاء : جامعہ علوم اسلامیہ علامہ محمد یوسف بنوری ٹاؤن