شادی شدہ مرد کا لذت کے لیے فحاش فلمیں دیکھنا کیسا ہے اور اس سے راحت حاصل کرنا کیسا ہے؟
جان دار کی تصاویر پر مشتمل کوئی بھی ویڈیو وغیرہ دیکھنا شرعاً جائز نہیں ہے، اور ایسی فلمیں جن میں فحش مواد ہو یا وہ فلم ہی فحش ہو اس کا دیکھنا تو اور زیادہ سخت گناہ ہے، فحش فلمیں معاشرہ کو بے حیائی اور جنسی بے راہ روی کی طرف لے جاتی ہیں اور جانوروں کی حرکات پر آمادہ کرتی ہیں، لہذا اس کی جتنی قباحت بیان کی جائے کم ہے، اس طرح کی کوئی فلم شادی شدہ یا غیر شادی مرد وعورت دونوں کے لیے دیکھنا سخت حرام اور کبیرہ گناہ ہے،یہ اخروی تباہی کے ساتھ ساتھ کئی قسم کی دنیاوی، معاشرتی اور اخلاقی قباحتوں کا ذریعہ ہے، لہذا ان سے مکمل اجتناب کرتے ہوئے اس پر فی الفور توبہ واستغفار لازم ہے۔ فقط واللہ اعلم
فتوی نمبر : 144203200020
دارالافتاء : جامعہ علوم اسلامیہ علامہ محمد یوسف بنوری ٹاؤن