سوال

فرض  نماز  میں  سلام پھیرنے سے پہلے درودشریف کے بعد  ایک سے زیادہ قرآنی آیات پڑھ سکتے ہیں یا نہیں؟

جواب

قعدہ اخیرہ میں درود شریف کے بعد فرض نماز  میں قرآن و حدیث میں منقول دعائیں پڑھ سکتے ہیں، نیز ایک سے زیادہ دعائیں  پڑھنا بھی درست ہے،  فرض نماز   (کسی عذر کی وجہ سے)  انفرادی طورپر پڑھی جائے  یا اگرکوئی شخص   مقتدی  ہو  اور  امام  کے سلام پھیرنے میں اتنا وقت ہو  جس وقت میں  دعا پڑھی جاسکتی ہو تو  ایک سے زائد دعائیں پڑھی جا سکتی ہیں۔

فتاوی شامی میں ہے :

"ولیس بینهما ذکر مسنون ... وماورد محمول علی النفل ... ثم الحمل المذکور صرح به المشائخ في الوارد في الرکوع والسجود ... وقال: إن ثبت في المکتوبة فلیکن في حالة الانفراد أو الجماعة والمامومون محصورون لایتثقلون بذلك ..." الخ

(شامی ،ج:۱، ص: ۵۰۹، ط: سعید)

فقط واللہ اعلم