سوال

اگر کسی شخص سے فجر کی نمازقضا ہوجائے اور  وہ  مصروفیت کی وجہ سے نہ پڑھ سکے،  پھر ظہر کی نماز باجماعت پڑھ کر اس کے بعد فجر کی قضا نماز  پڑھ سکتے ہیں یا نہیں ؟

جواب

صورتِ  مسئولہ میں جو شخص صاحبِ ترتیب ہو یعنی اس پر  چھ نمازوں سے کم نمازوں کی قضا باقی ہو، ایسے شخص کے لیے ظہر سے پہلے فجر  کی قضا کر نا واجب ہے، بشرطیکہ اسے قضا نماز یاد ہو، اور ظہر کے وقت میں گنجائش ہو، ایسے شخص نے اگر ظہر  کی نماز باجماعت پڑھنے کے بعد فجر کی نماز قضا کی ہو تو ظہر دوبارہ پڑھنا لازم ہے۔

  البتہ جو صاحبِ ترتیب نہ ہو، وہ ظہر کے بعد فجر کی نماز قضا کرسکتا ہے۔  بہر صورت، ظہر سے پہلے  ہی فجر کی قضا کرلینی چاہیے؛  تاکہ غفلت نہ ہو۔

الدر المختار وحاشية ابن عابدين (رد المحتار) (2 / 65):

"(الترتيب بين الفروض الخمسة والوتر أداء وقضاء لازم) يفوت الجواز بفوته."

الدر المختار وحاشية ابن عابدين (رد المحتار) (2 / 72):

"(وإلا) بأن لم تصر ستًّا (لا) تظهر صحتها بل تصير نفلًا ."

فقط واللہ اعلم