سوال

  فجر کی نماز کی سنتیں کب تک پڑھ سکتے ہیں؟

جواب

اگر کوئی شخص فجر کی نماز کے لیے مسجد آئے اور آخری رکعت ہو تو اگر اسے امید ہو کہ وہ سنتیں پڑھ کر امام کے ساتھ قعدہ اخیرہ میں شامل ہوجائے گا، تو اسے چاہیے کہ (کسی ستون کے پیچھے، یا برآمدے یا صحن میں یا جماعت کی صفوں سے ہٹ کر)  فجر کی سنتیں ادا کرے اور پھر امام کے ساتھ قعدہ میں شامل ہوجائے، اور اگر سنتیں پڑھنے کی صورت میں نماز مکمل طور پر نکلنے کا اندیشہ ہو تو سنتیں چھوڑ دے اور فرض نماز میں شامل ہوجائے،  پھر اشراق کا وقت ہوجانے کے بعد  سنت قضا کر لے (سورج طلوع ہونے سے پہلے پہلے اس کو پڑھنا جائز نہیں ہے) اور یہ حکم اسی دن کے زوال تک کے لیے ہے،  اس دن کے زوال کے بعد فجر کی سنت کی قضا درست نہیں۔

رد المحتار میں ہے:

"(قوله ولا يقضيها إلا بطريق التبعية إلخ) أي لا يقضي سنة الفجر إلا إذا فاتت مع الفجر فيقضيها تبعا لقضائه لو قبل الزوال ،أما إذا فاتت وحدها فلاتقضى قبل طلوع الشمس بالإجماع؛ لكراهة النفل بعد الصبح. وأما بعد طلوع الشمس فكذلك عندهما. وقال محمد: أحب إلي أن يقضيها إلى الزوال كما في الدرر."

(الدر المختار مع رد المحتار، كتاب الصلاة، باب ادرا الفريضة، 57/2، سعيد)

فقط والله اعلم