سوال

 فجر کی نماز سے پہلے یا سنت کے بعد یا فرض نماز کے بعد قضا نماز پڑھ سکتے ہیں?

جواب

فجر  کی نماز سے پہلے یا فجر کی سنت پڑھنے کے بعد یا فجر کی نماز پڑھنے کے بعد سورج طلوع ہونے سے پہلے اگر کوئی قضا نماز پڑھنا چاہے تو پڑھ سکتا ہے، بلکہ تین اوقاتِ  مکروہہ (سورج طلوع ہونے سے لے کر اشراق کا وقت ہونے تک، استواءِ شمس یعنی دوپہر کے وقت سورج عین سر کے اوپر آنے کے وقت سے پانچ منٹ پہلے اور پانچ منٹ بعد  اور  عصر کے بعد سورج زرد پڑنے کے بعد سے لے کر غروبِ شمس تک) کے علاوہ کسی بھی وقت قضا نماز پڑھی جاسکتی ہے۔ فقط واللہ اعلم