فجر کی نماز اول وقت میں پڑھنا افضل ہے یا آخری وقت میں؟
فجر کی نماز تاخیر سے اُجالے میں پڑھنا مستحب ہے،لیکن اتنی تاخیر کرے کہ اگر کسی وجہ سے نماز فاسد ہوجائے توفجر کی نماز وقت ختم ہونے (سورج طلوع ہونے) سے پہلے طہارت حاصل کرکے سنت کے مطابق قراءت کرکے دوبارہ ادا کی جاسکے۔
فتاوی ہندیہ میں ہے:
"يستحب تأخير الفجر ولا يؤخرها بحيث يقع الشك في طلوع الشمس بل يسفر بها بحيث لو ظهر فساد صلاته يمكنه أن يعيدها في الوقت بقراءة مستحبة. كذا في التبيين."
(کتاب الصلاۃ،الفصل الثاني في بيان فضيلة الأوقات،ج1،ص52،ط؛دار الفکر)
فقط واللہ اعلم
فتوی نمبر : 144407100934
دارالافتاء : جامعہ علوم اسلامیہ علامہ محمد یوسف بنوری ٹاؤن
