سوال

آئی لائنر (Eye liner)لگانا کیسا ہے اور کیا یہ کسی قوم کی رسم ہے جس پر اللہ کا عذاب آیا تھا ؟

جواب

آئی لائنر لگانا جائز ہے بشرطیکہ :

1. آئی لائنر کے اجزائے ترکیبیہ میں کوئی ناپاک یا حرام جزء شامل نہ ہو۔
2. آئی لائنر غیر مردوں کو اپنی طرف مائل کرنے کا باعث نہ بنے۔

نیز ایسا آئی لائنر جس کی تہ جلد پر جم جاتی ہوجسے عرف میں واٹر پروف آئی لائنر (Water proof Eyeliner)کہا جاتا ہے تو اس کو لگانے کےبعد  وضو یا غسل کے وقت اس کو ہٹا نا بھی ضروری ہے،اگر اسے نہیں ہٹایا گیا تو وضو یا غسل نہیں ہوگا۔

اس کے علاوہ آئی لائنر کا کسی قوم کی رسم ہونے  اور اس قو م پر اللہ کا عذاب نازل ہونےسےمتعلق کوئی روایت  نظر سے نہیں گزری۔

فتاویٰ ہندیہ میں ہے:

"في فتاوى ما وراء النهر إن بقي من موضع الوضوء قدر رأس إبرة أو لزق بأصل ظفره طين يابس أو رطب لم يجز وإن تلطخ يده بخمير أو حناء جاز".

(‌‌كتاب الطهارة، الباب الأول في الوضوء،الفصل الأول في فرائض الوضوء1/ 4، ط: رشيدية)

فقط واللہ اعلم