سوال

1۔  غازی ارطغرل نامی ڈرامہ دیکھنا کیسا ہے؟

2۔  اور اسے ثواب سمجھ کے دیکھنا اس کے دیکھنے پر یہ کہنا الحمدللہ اتنی قسطیں دیکھ لیں۔

3۔ اس کے دیکھنے کی ترغیب دیتے ہوئے یہ کہنا تاکہ لوگ فیس بک اور فحش چیزیں دیکھنے سے بچ جائیں!

جواب

1. مذکورہ ڈراما  دیکھنا شرعاً  جائز نہیں۔

2. ثواب  سمجھ  کر اس ڈرامے  کو  دیکھنے سے  اِ س کی  قباحت اور گناہ مزید بڑھ جاتا ہے، پھر اس کے دیکھنے پر یہ کہنا الحمدللہ اتنی قسطیں دیکھ لیں، گناہ پر گناہ ہے، اس سے توبہ و استغفار کرنا ضروری ہے۔

3.  یہ ڈراما  ہو یا کوئی اور، چوں کہ یہ جان دار کی تصویر اور ویڈیو پر مشتمل ہوتے ہیں، نیز اس کے علاوہ بھی ان میں بہت سے شرعی  اور اخلاقی مفاسد (مثلاً موسیقی اور حیا باختہ مناظر) ہوتے ہیں،  اس لیے اس کی ترغیب دینا بھی جائز نہیں۔  فقط واللہ اعلم