سوال

بچے کے لیے عرصم (ع کے کسرہ اور ص کے فتحہ کے ساتھ) نام رکھنا کیسا ہے۔ نیز اس کا مطلب بھی بتائیں ؟

جواب

"عِرصَم " نام کے متضاد معنی ہیں :  لاغر،کمزور کو بھی کہا جاتا ہے اور  مضبوط قو ی کو بھی  ، اور بعض معنی کے اعتبار سے یہ نام رکھنا مناسب نہیں تو بہتر یہ ہے کہ کوئی  اچھا معنی والا نام رکھا جائے،تاہم بچوں کے نام رکھنے کے سلسلے میں بہتر یہ ہے کہ صحابہ کرام اور اللہ تبارک وتعالیٰ کے برگزیدہ بندوں کے ناموں پر نام رکھے جائیں یا کم از کم ایسے عربی نام رکھے جائیں جن کے معانی عمدہ ہوں ، جامعہ علوم اسلامیہ بنوری ٹاؤن کی ویب سائٹ پر کافی اچھےاچھے اسلامی نام درج کیے گئے ہیں ، وہاں سے بھی راہ نمائی لی جاسکتی ہے۔

(مصباح اللغات، ص:۵۴۳، ط: مکتبہ سید احمد شہید )

لسان العرب  میں ہے:

 ( عرصم ) العِرْصَمُّ والعِرْصامُ القويُّ الشديدُ البَضْعةِ وقيل هو الضَّئِيلُ الجِسْم ضِدٌّ وقيل هو اللئيمُ.

(جلد۱۲، ص:۳۹۸، ط: دار صادر)

فقط واللہ اعلم