سوال

 میں حافظ قران ہو ں اور الحمد للہ بکثرت تلاوت قرآن کرتا رہتا ہوں ؛  سوال یہ ہے کہ:  ایک وقت میں ایک سے زیادہ سجدے  کی آیات پڑھنے سے تمام سجدے  الگ الگ  کرنا ہوں گے؟  یا ایک ہی سجدہ کافی ہے ؟

جواب

ایک ہی   مجلس اور وقت میں  سجدہ  کی ایک  سے زائد آیات تلاوت کرنے کی صورت میں جتنی آیتیں تلاوت کیں   اتنے ہی سجدے کرنا لازم ہوں گے، اسی طرح الگ الگ مجلس میں ایک ہی آیتِ سجدہ کو جتنی بار دہرایا  تو بھی اتنی ہی مرتبہ سجدے  کرنالازم ہوں گے۔

فتاوی شامی میں ہے: 

(ولو كررها في مجلسين تكررت وفي مجلس) واحد (لا) تتكرر بل كفته واحدة وفعلها بعد الأولى أولى قنية.

 (کتاب الصلاۃ، باب سجود التلاوة، ج: 2، صفحۃ: 114، ط: ایچ، ایم، سعید)

البحر الرائق شرح كنز الدقائق میں ہے:

لأن من قرأ القرآن كله في مجلس واحد لزمه أربع عشرة سجدة لأن المجلس لا يجعل الكلمات المختلفة الجنس بمنزلة كلام واحد.

(کتاب الصلاۃ، باب سجود التلاوة  ، ج: 2، صفحہ: 135، ط: دار المعرفة بيروت)

فقط واللہ اعلم