اگر عید کی نماز میں پہلی رکعت فوت ہوجائے تو اس صورت میں کیا کرنا چاہیے؟ کیا اس صورت میں اس رکعت کی قضا کرنی ہوگی ؟ راہ نمائی فرمائیں۔
صورتِ مسئولہ میں کوئی شخص عید کی نماز میں دوسری رکعت میں پہنچے تو وہ امام کے سلام کے بعد کھڑے ہوکر پہلے ثناء، اعوذ باللہ من الشیطان الرجیم، بسم اللہ الرحمٰن الرحیم پڑھ کر سورہ فاتحہ اور کوئی سورت پڑھے، پھر تین تکبیرات زوائد کہہ کر رکوع کرے، اور بقیہ نماز پوری کرے، دوبارہ نماز دہرانے کی ضرورت نہیں۔
فتاویٰ شامی میں ہے:
"ولو سبق بركعة يقرأ ثم يكبر لئلايتوالي التكبير.
(قوله: لئلا يتوالي التكبير) أي لأنه إذا كبر قبل القراءة وقد كبر مع الإمام بعد القراءة لزم توالي التكبيرات في الركعتين، قال في البحر: ولم يقل به أحد من الصحابة، ولو بدأ بالقراءة يصير فعله موافقًا لقول علي -رضي الله عنه- فكان أولى، كذا في المحيط‘‘.
(کتاب الصلوۃ، باب صلوۃ العیدین، ج:2، ص:174، ط:ایچ ایم سعید)
فقط والله اعلم
فتوی نمبر : 144408100007
دارالافتاء : جامعہ علوم اسلامیہ علامہ محمد یوسف بنوری ٹاؤن