قرآن مجید کی کوئی سورۃ بتائیں یا پھر کوئی وظیفہ بتائیں ،مجھے احتلام بہت ہوتا ہے۔ کچھ ایسا بتائیں جس کے پڑھنے کے بعد احتلام نہ ہو۔
کثرتِ احتلام سے بچنے کے لیے کسی معالج سے مشورہ کرلیا جائے، نیز اپنے خیالات کو پاک رکھے ،اگر گندے خیالات کے اسباب مثلًا موبائل کا غلط استعمال یا فحش رسالے یا میگیزین وغیرہ زیر استعمال ہیں تو ان سے دوری اختیار کرےاور اگر نکاح نہیں ہوا ہے اور نکاح کی استطاعت ہے تو جلد از جلد نکاح کرنے کی کوشش کی کرے، ورنہ غلبہ شہوت سے بچنے کے لیے کثرت سے روزوں کا اہتمام کرنے کے ساتھ، ساتھ نیک لوگوں کی صحبت میں بیٹھنے کا اہتمام اور تنہائی میں رہنے سے اجتناب کرے۔
نیز رات میں سونے سے قبل باوضو ہوکر سورۂ طارق کی ابتدائی دس آیات پڑھ کر ذکر کرتے ہوئے دائیں کروٹ پر قبلہ رُخ ہوکر سویا کرے، ان شاء اللہ تعالیٰ احتلام نہیں ہوگا۔
فقط واللہ اعلم
فتوی نمبر : 144409101397
دارالافتاء : جامعہ علوم اسلامیہ علامہ محمد یوسف بنوری ٹاؤن