سوال

 احساس پروگرام کے تحت جو 12000 رقم دی جارہی ہے، کیا ایسی عورت جس کے لیے کسی شے کی کمی نہیں ہے، جس کا شوہر دوکان چلا رہا ہے، ایسی عورت کے لیے اس رقم کو شرعی نقطہ نظر سے لینا جائز ہے یا نہیں؟

جواب

حکومت کی جانب سے یہ رقم اگر صرف فقراء کو دی جارہی ہے، اور مذکورہ خاتون غریب نہیں ہے تو اس کے لیے یہ رقم لینا جائز نہیں ہے۔ فقیر کا مطلب یہ ہے کہ اس خاتون کے پاس اپنی ضرورت و استعمال کی اشیاء کے علاوہ اتنا مال یا سامان موجود نہ ہو جس کی مالیت ساڑھے باون تولہ چاندی کی مالیت کے برابر ہو۔

اور اگر سب ہی عوام کے لیے رقم دی جارہی ہے تو یہ رقم یہ عورت استعمال کرسکتی ہے۔ اصولی بات یہ ہے کہ مذکورہ پروگرام کے تحت دی جانے والی رقم وصول کرنے کی جو شرائط ہیں، ان کے مطابق اگر مذکورہ خاتون مستحق ہے تو لے سکتی ہے، بصورتِ دیگر اسے اجازت نہیں ہوگی۔ فقط واللہ اعلم