محمد اسحاق کا انتقال یکم رمضان صبح 7 بجے سے 7:30 بجے تک کے درمیان میں ہوا، عدت کے دن کتنے ہیں، دنوں کے حساب سے بتائیں، کب پوری ہوتی ہے؟
واضح رہے کہ اگر کسی عورت کے شوہر کا انتقال قمری (اسلامی)مہینے کی ابتداء یعنی پہلی تاریخ کو ہوا ہو تو اس عورت کو چاند کے مہینوں کے اعتبار سے چار ماہ دس دن عدت پوری کرنا لازم ہے، خواہ کوئی مہینہ انتیس دن کا ہی کیوں نہ ہو۔
فتاویٰ شامی میں ہے:
"في المحيط: إذا اتفق عدة الطلاق والموت في غرة الشهر اعتبرت الشهور بالأهلية وإن نقصت عن العدد، وإن اتفق في وسط الشهر. فعند الإمام يعتبر بالأيام فتعتد في الطلاق بتسعين يوما، وفي الوفاة بمائة وثلاثين."
(كتاب الطلاق، باب العدة، ج:3، ص:509، ط:سعيد)
لہذا صورتِ مسئولہ میں جب شوہر کا انتقال یکم رمضان کی صبح کو ہوا ہےتو بیوہ کی عدت چاند کی تاریخ کے حساب سے چار مہینے دس دن یعنی محرم کی دس تاریخ کو پوری ہوگی اگر چہ کوئی مہینہ انتیس دن کا ہی کیوں نہ ہو۔فقط واللہ اَعلم
فتوی نمبر : 144411102456
دارالافتاء : جامعہ علوم اسلامیہ علامہ محمد یوسف بنوری ٹاؤن