سوال

میں نے ایزی پیسے سے ادھار لیا تھا 4400 ،اور ادا کیا ہے واپس بروقت 4872 ،یہ قرض کی فیس ہے ،کیا یہ  سودکے زمرے میں آتا ہے؟ اگر سود نہیں ہے تو بھی بتائیں اور اگر ہے تو اسکی زکوات سود کی کیسے دوں؟

جواب

صورت مسؤلہ میں اصل قرض کی رقم سے زائد   رقم  جوقرض فیس کےنام سے  لی گئی وہ قرض پرنفع وصول کرنے  کی وجہ سے سود میں شامل ہے،اوریہ زائدرقم وصول کرناناجائزاورحرام ہے،نیزسودی رقم پرزکات   نہیں  ہوتی بلکہ اسے اصل مالک کوواپس کرناضروری ہے۔

حضور اکرم صلیٰ  اللہ علیہ وسلم کا ارشاد مبارک ہے:

"عن فضالة بن عبيد صاحب النبي صلى الله عليه وسلم أنه قال: " كل قرض جر منفعة فهو وجه من وجوه الربا".

(السنن الكبرى للبیھقي،باب كل قرض جر منفعة فهو ربا»(5/ 573) برقم (10933)، ط. دار الكتب العلمية)

فتاوی ٰشامی میں ہے:

"( كلّ قرض جرّ نفعًا حرام) أي إذا كان مشروطًا كما علم مما نقله عن البحر".

(کتاب البیوع، فصل فی القرض ،مطلب كل قرض جر نفعا حرام   (5/ 166)،ط. سعيد،كراچی)

فقظ واللہ اعلم