میرا ایزی پیسہ اکاؤنٹ ہے، لیکن اس میں رقم نہیں تھی، اس حال میں کمپنی والوں نے میرے اکاؤنٹ میں ایک سو روپے بھیجے ہیں، کیا اب ان پیسوں کو میں استعمال کرسکتا ہوں یا نہیں؟
صورتِ مسئولہ میں سائل کو ایزی پیسہ کمپنی کی طرف سے بلا کسی عوض سو روپے دیے گئے ہیں، جب کہ سائل کے اکاؤنٹ میں کوئی رقم نہ تھی، تو ان سو روپیوں کی حیثیت ہبہ (تحفہ) کی ہے اور کمپنی کی طرف سے محض تبرع ہے، سائل کے لیے ان سو روپیوں کا استعمال کرنا جائز ہے۔
فتاویٰ عالمگیری میں ہے:
"أما تفسيرها شرعا فهي تمليك عين بلا عوض، كذا في الكنز... وأما حكمها فثبوت الملك للموهوب له."
(كتاب الهبة، ج: 4، ص: 374، ط: دار الفكر بيروت)
فقط والله أعلم
فتوی نمبر : 144404101946
دارالافتاء : جامعہ علوم اسلامیہ علامہ محمد یوسف بنوری ٹاؤن