سوال

 "اللَّهمَّ إني أَعُوذُ بِعَظَمَتِكَ أَنْ أُغْتَالَ مِنْ تَحْتِي"  کیا یہ دعا کسی حدیث مبارکہ سے ثابت ہے؟  رہنمائی کریں۔

جواب

مذکورہ دعا حدیث مبارکہ سے ثابت ہے ،سنن ِنسائي ميں ہے: 

"أَنَّ ابْنَ عُمَرَ، قَالَ: سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ: «اللَّهُمَّ إِنِّي أَعُوذُ بِعَظَمَتِكَ أَنْ أُغْتَالَ مِنْ تَحْتِي»."

ترجمہ:"حضرت ابن عمر رضی اللہ عنہما فرماتے ہیں : میں نے رسول اللہ صلی اللہ علیہ وسلم کو  فرماتے ہوئے سنا کہ اے اللہ !  میں تیری عظمت کے ذریعے سے اس بات سے پناہ چاہتا ہوں کہ میں اپنے نیچے کی طرف سے ہلاک کر دیا جاؤں۔"

 (سنن النسائي، الاستعاذة من الخسف، (8/ 282) برقم (5529 و5530)، ط/مكتب المطبوعات الإسلامية - حلب 1406ه)

اور  بھی کئی کتب احادیث میں یہ دعا وارد  ہوئی ہے ، مختصرا چند کا حوالہ پیش خدمت ہے :  

۱) مسند أحمد، (8/ 403) برقم (4785)، ط/ مؤسسة الرسالة 1421ه. 

2) سنن أبي داود، باب ما يقول إذا أصبح، (7/ 408 و409) برقم (5074)، ط/ دار الرسالة العالمية 1430ه.

3) سنن ابن ماجه، باب ما يدعو به الرجل إذا أصبح وإذا أمسى، (5/ 37 و38) برقم (3871)، ط/ دار الرسالة العالمية 1430ه. 

فقط والله أعلم