دلہن کا میک اَپ کرنا جائز ہے یا نہیں؟ دلہن کے میک اَپ کے بارے میں شرعی طور پر کیا حکم ہے؟
میک اَپ چاہے دلہن کا ہو یا کسی عام عورت کا، اس کی بعض صورتیں جائز ہیں اوربعض ناجائز۔ جائز میک اَپ کے لیے ایسی اشیاء کا استعمال جائز ہے جو پاک اور حلال اجزاء پر مشتمل ہوں، نیز تزیین و تحسین کے لیے ایسی صورت اختیار نہ کی جائے جو شرعًا منع ہو۔
آج کل میک اَپ کی بعض اشیاء میں حرام اور ناپاک بھی استعمال ہوتا ہے؛ اس لیے اگر اجزاء پاک ہوں تو ان کاخارجی استعمال جائز ہے اورناپاک ہوں تو ان کا استعمال جائز نہیں ہوگا، اگر استعمال کرلیا تو طہارت کےلیے ان کا دھونا ضروری ہے۔ ناپاک اور حرام کی مصنوعات کے متعلق معلومات کےلیے کسی حلال تصدیقی ادارے سے راہ نمائی لی جاسکتی ہے۔
واضح رہے کہ میک اَپ کے لیے آئی برو جائز نہیں، نیز شادی کے موقع پر جائز دائرے میں رہتے ہوئے دلہن کو تیار کرنا بھی جائز ہے۔ فقط واللہ اعلم
فتوی نمبر : 144112201250
دارالافتاء : جامعہ علوم اسلامیہ علامہ محمد یوسف بنوری ٹاؤن