سوال

 جو پلاٹ گھر یا دکانیں بنانے کی نیت سے خریدی گئیں،  کیا اس پلاٹ یا دکانوں پر  زکات کا حکم لگے گا؟

جواب

صورتِ مسئولہ میں اگر یہ دکانیں اور گھر کرائے  پر  دینے یا اپنے استعمال کے  لیے بنانے  کی نیت ہو تو اس صورت میں مذکورہ پلاٹ اور دکانوں پر  زکات لازم نہیں ہوگی ۔ اور  اگر اسی پلاٹ پر گھر یا دکان بنا کر بیچنا مقصود ہو تو  اس صورت میں اس پلاٹ کی موجودہ قیمت پر  زکات لازم ہوگی۔

(الفتاویٰ الهندیة ۱؍۱۷۹):

"الزکاۃ واجبة في عروض التجارة کائنة ما کانت إذا بلغت قیمتها نصاباً من الورق والذهب، کذا في الهدایة." 

 (الدر المختار علی رد المحتار ۳؍۲۲۸ ):

"أو في عرض تجارة قیمته نصاب من ذهب أو ورق."

فقط واللہ اعلم