سوال

اگر دکان کی  ایڈوانس رقم لی ہو،   اس کو اگر کاروبار میں استعمال کر لیں یا کسی اور کام میں  مثلا کنسٹرکشن وغیرہ میں،  کیا یہ جائز ہوگا؟   اور  اگر پتا  نہ ہو اور استعمال کر دیے ہوں، تو اس کو درست کرنے کا کیا طریقہ ہے؟ 

جواب

واضح رہے کہ دکان کا ایڈوانس شروع میں رہن (گروی) ہونے کے ناطے امانت ہوتی ہے، مگر چوں کہ عرفًا دکان دار کو  ایڈوانس  میں دی ہوئی رقم  استعمال کرنے کی اجازت ہوتی ہے، لہذا  استعمال کرنے کے بعد یہ  قرضہ کی صور ت میں تبدیل  ہوجاتی ہے، چنانچہ  صورتِ مذکورہ میں سائل کے لیے رقم کو  استعمال کرنا درست ہے، تاہم یہ رقم اس کے ذمے کرایہ دار کا قرض ہوگی۔

فتاوى  ہندیہ میں ہے:

"أما تفسيره شرعا فجعل الشيء محبوسا بحق يمكن استيفاؤه من الرهن كالديون حتى لا يصح الرهن إلا بدين واجب ظاهرا وباطنا أو ظاهرا فأما بدين معدوم فلا يصح ؛ إذ حكمه ثبوت يد الاستيفاء ، والاستيفاء يتلو الوجوب كذا في الكاف."

(الفتاوى الهندية: كتاب الرهن، ج:5 ص:516، ط: دار الكتب العلمية)

"ولو أجاز المرتهن تصرف الراهن نفذ وخرج من أن يكون رهنا والدين على حاله"

(الفتاوى الهندية: كتاب الرهن، ج:5 ص:544، ط: دار الكتب العلمية)

فقط واللہ اعلم