سوال

ہمارے جو مسافر بھائی باہرملکوں میں رہتے ہیں،  یہ اپنا صدقہ فطر کس  ترتیب سے دیں گے ؟اور ان کے  جو نابالغ بچے ہیں  کیا وہ بھی اسی ملک کے حساب سے دیں  گے  جس میں وہ رہتے ہیں مثلاً دبئی میں ؟  وہ اپنا اوراپنے نابالغ بچوں کا صدقہ فطر درہم کے  حساب سے دے گا ؟ اس سال کتنے درہم دینے ہوں گے ؟ 

جواب

جو  پاکستانی دبئی  میں رہتا ہے، اگر وہ عید الفطر کی صبح صادق کے وقت بھی دبئی میں ہی ہو، اور وہ گندم، جو  وغیرہ کی قیمت کے اعتبار سے صدقہ فطر ادا کرنا چاہتاہو  (یعنی اجناس کی صورت میں نہ دے) تو وہ اپنا اور اپنے نابالغ بچوں کا صدقہ فطر  دبئی کے نرخ کے حساب سے ادا کرے گا، خواہ وہ دبئی میں ہی ادا کرے یا پاکستان میں کسی مستحق کو بھجوائے، نیز اُسے اختیار ہے کہ وہ پاکستان میں پاکستانی کرنسی میں فطرہ ادا کرے یا درہم کی صورت میں ادا کرے ۔  فقط واللہ اعلم