سوال

امام اور مقتدی دو بندوں  کی جماعت ہورہی ہے،  امام آخری قعدہ میں بیٹھا ہو ،  اب تیسرا نمازی شامل  ہونا چاہتا ہے تو  کیا کرے،  یعنی کس طرف بیٹھے گا، کیوں کہ اب وہ شامل نہیں ہوتا  تو جماعت سے محروم رہ جائے گا؟

جواب

دو بندوں کی جماعت میں  اگر تیسرا آدمی قعدہ اخیرہ کے دوران جماعت میں شامل ہونا چاہے تو  وہ  امام کے برابر میں بائیں طرف ہی  کھڑا ہوکر اقتدا کرلے، دوسرے مقتدی کو قعدہ  اخیرہ کے دوران  پیچھے صف میں نہیں لائے۔

حاشية ابن عابدين (رد المحتار) (1/ 566):

"والظاهر أيضاً أن هذا إذا لم يكن في القعدة الأخيرة، وإلا اقتدى الثالث عن يسار الإمام ولا تقدم ولا تأخر". فقط والله أعلم