سوال

کیا ہمیں درود شریف اور استغفار ایک ساتھ مل سکتے ہیں، مطلب ایسا کوئی درود ہو جس میں استغفار بھی ہو ؟

جواب

استغفار کا معنی ہے: اللہ سے اپنے گناہوں کی بخشش طلب کرنا۔ اور درود کا معنی ہے آپ صلی اللہ علیہ و سلم کے لیے رحمتِ کاملہ کے نزول اور سلامتی کی دعا کرنا، یہ دونوں مستقل عبادات ہیں، لیکن ان کو  ایک ساتھ بھی ادا کیا جاسکتا ہے، لہذا درود شریف میں سب سے افضل درود ابراہیمی ہے جو  نمازوں میں پڑھا جاتا ہے، اس کے علاوہ کوئی بھی درود پڑھا جاسکتا ہے، اور استغفار کے  مفہوم کی ادائیگی کے لیے سچے دل سے ”أستغفر الله“بھی کہا جاسکتا ہے، اور اس کے بہترین صیغوں میں سے دو درج ذیل ہیں:

(1) أَسْتَغْفِرُ اللّٰه الَّذِيْ لَا اِلٰـه اِلَّا هُوَ الْحَيُّ الْقَیُّوْمُ وَأَتُوْبُ إِلَیْه.

(2) رَبِّ اغْفِرْ لِيْ وَتُبْ عَلَيَّ إِنَّك أَنْتَ التَّوَّابُ الرَّحِیْمُ.

 فقط واللہ اعلم