اگر دوران جماع اللہ کا نام نکل جاۓ، اوراس سے اللہ کے نام کی بے ادبی مقصودنہ ہو تو اس سے ایمان یا نکاح پرتوفرق نہیں پڑے گا؟
صورتِ مسئولہ میں دوران جماع کوئی بھی ذکرکرنا مکروہ ہے، تاہم اس کے پڑھنے سے ایمان اور نکاح پر کوئی اثر نہیں پڑےگا،لیکن آئندہ کےلیے اس سے اجتناب کریں۔
مرقاة المفاتيح شرح مشكاة المصابيح میں ہے:
"وقد روى ابن أبي شيبة عن ابن مسعود موقوفا أنه إذا أنزل قال: اللهم لا تجعل للشيطان فيما رزقتني نصيبا، ولعله يقولها في قلبه أو عند انفصاله لكراهة ذكر الله باللسان في حال الجماع بالإجماع".
(کتاب اسماء اللہ تعالیٰ، باب الدعوات في الأوقات، ج:4، ص:1676، ط:دارالفکر)
فقط واللہ اعلم
فتوی نمبر : 144407100388
دارالافتاء : جامعہ علوم اسلامیہ علامہ محمد یوسف بنوری ٹاؤن