سوال

1- اگر کسی کی بیوی حاملہ ہو تو اس کی ساتھ کتنے مہینے تک ہم بستری کرسکتے ہیں؟

2- اگر بیوی نفاس کی حالت میں ہو تو ان کے ساتھ بوس وکنار وغیرہ جائز ہے اور اگر شوہر کو شہوت تنگ کرے تو اپنی بیوی کی ہاتھوں سے شہوت نکالنا جائز ہے یا نہیں اور ایسی صورت میں کیا کرنا چاہیے جب شہوت تنگ کرے؟

3- شادی کی رات آلہ تناسل پر زیتون کا تیل لگانا جائز ہے، کوئی گناہ تو نہیں ہے؟

4- شادی کی رات میں سنت کا طریقہ بھی بتائیے۔

جواب

1- دوران حمل کبھی بھی بیوی کے ساتھ ہم بستری کرنا شرعا جائز ہے، البتہ طبی اعتبار سے حاملہ یا حمل کی حفاظت کے لیے کسی دین دار طبیب کا مشورہ احتیاط کا ہو تو احتیاطا ہم بستری نہ کرنے میں بھی کوئی حرج نہیں ہے۔

2- بیوی سے نفاس کی حالت میں ناف سے گھٹنے تک کے جسم کے علاوہ باقی پورے جسم سے لطف اندوز ہونا، بوس وکنار کرنا، اور اس کے جسم کے باقی اعضاء نیز اس کے ہاتھوں کے مساس سے انزال کروانا جائز ہے۔

3-  جائز ہے۔

4-  شادی کے بعد کے مراحل کا مسنون طریقہ اور ادب جاننے کے لیے بہتر ہے کہ کسی عالم دین سے براہ راست ملاقات کرکے ان چیزوں کو سیکھ لیا جائے۔ فقط واللہ اعلم