سوال

اگر غسل کر رہے ہوں اور آخر میں ہوا خارج ہو جائے تو کیا غسل ہو جائے گا یا پھر شروع سے کرنا پڑے گا؟

جواب

اگر غسل کے دوران ہوا / ریح خارج ہوجائے تو اس سے غسل ختم نہیں ہوتا ، اور دوبارہ غسل کرنا لازم نہیں ہوتا۔ البتہ ہوا  خارج ہونے سے وضو ٹوٹ جاتاہے، اور وضو کرنا ضروری ہے۔

لہذا اگر غسل کے دوران ہوا خارج ہوجائے اور ہوا کے خروج کے بعد اعضائے وضو نہ دھوئے  یا ان پر پانی نہ بہایا ہو تویہ غسل نماز وغیرہ کے لیے کافی نہ ہوگا، بلکہ اس غسل کے بعد  عبادات کے لیے وضو کرنا ضروری ہوگا۔ اور اگر کوئی ہوا خارج ہونے کے بعد دوبارہ غسل کرلیتا ہے تو بہتر ہے، اور اس میں وضو بھی ہوجائے گا۔  فقط واللہ اعلم