میں نے ایک مفتی صاحب کے بیان میں سنا ہے جو حضرت یوسف بنوری رحمہ اللہ کے شاگرد ہیں کہ نماز میں گلہ کھنکار نے سے نماز فاسد ہو جاتی ہے۔ کھانسنے کی اجازت ہے ۔ میرے برابر میں نماز پڑھ رہے تھے۔ نماز کے دوران انہوں نے 4یا 5 مرتبہ گلہ کھنکارا، نماز کے بعد میں نے ان سے پوچھا کہ کیا آپ کے گلے میں کوئی مسئلہ ہے؟ کہنے لگے نہیں تو میں نے کہا کہ فلاں مفتی صاحب کہتے ہیں کہ نماز فاسد ہو جاتی ہے، تو کہنے لگے کہ کسی کو مجبوری ہو تو میں نے کہا کہ کھانسنے کی اجازت ہے ۔ کیا انہیں نماز دوبارہ پڑھنی چاہیئے تھی۔
صورت مسئولہ میں گلہ کھنکارنا دوران نماز مکروہ ہے اس سے اجتناب کیا جائے البتہ اس کھنکارنے سے نماز فاسد نہیں ہو گی۔ رہا کھانسنے کا معاملہ تو حتی الامکان کھانسی پر قابو رکھا جائے اس کے باوجود اگر قدرت نہ رہے تو کھانسنے میں کوئی حرج نہیں۔ فقط واللہ اعلم
فتوی نمبر : 143101200347
دارالافتاء : جامعہ علوم اسلامیہ علامہ محمد یوسف بنوری ٹاؤن