اگر عورت گھر میں اکیلی ہو یا صرف خاوند گھر میں ہوتوکیا گرمی کے باعث عورت اپنا دوپٹہ اتار کر گھر کے کام کرسکتی ہے؟
عورت کا غیر مردوں کے سامنے ننگے سر رہنا ناجائز ہے، تاہم گھر میں کام کاج کے دوران ا گر دوپٹہ اوڑھنے میں تکلیف ہے اور گھر کا ماحول مکمل پردے کا ہے کسی اجبنی کی بلا اجازت آمد و رفت نہیں ہے۔ تو اس صورت میں عورت کے لیے اکیلے ہونے یا شوہر کے سامنے ننگے سر رہنے اور کام کرنے کی گنجائش ہے، لیکن اس کی عادت بنا لینا ادب کے خلاف ہے۔
فتاوی ہندیہ میں ہے:
"فِي غَرِيبِ الرِّوَايَةِ: يُرَخَّصُ لِلْمَرْأَةِ كَشْفُ الرَّأْسِ فِي مَنْزِلِهَا وَحْدَهَا فَأَوْلَى أَنْ يَجُوزَ لَهَا لُبْسِ خِمَارٍ رَقِيقٍ يَصِفُ مَا تَحْتَهُ عِنْدَ مَحَارِمِهَا، كَذَا فِي الْقُنْيَةِ." (5/333)
فقط واللہ اعلم
فتوی نمبر : 144212201778
دارالافتاء : جامعہ علوم اسلامیہ علامہ محمد یوسف بنوری ٹاؤن