دوسری رکعت میں بھول کر ثنا پڑھ دیا تو کیا حکم ہے؟ اس لیے کہ ثنا تو پہلی رکعت میں پڑھتےہیں۔
اگر کسی شخص نے بھول کر دوسری رکعت کی ابتدا میں ثناء پڑھ لی تو اس کی نماز پر کوئی فرق نہ پڑا، اس کی نماز درست ہو گئی، گو ثناء کا اصل مقام پہلی رکعت کی ابتدا ہی ہے، اور بقیہ رکعات میں ثناء پڑھنا سنت نہیں ہے، لیکن بھول کر دوسری رکعت کے شروع میں پڑھنے سے بھی سجدۂ سہو لازم نہیں ہوگا،نہ کراہت ہوگی۔
تبيين الحقائق (1/ 193):
"ولو تشهد في قيامه أو ركوعه أو سجوده فلا سهو عليه؛ لأنه ثناء وهذه المواضع محل الثناء".
فقط والله أعلم
فتوی نمبر : 144109201133
دارالافتاء : جامعہ علوم اسلامیہ علامہ محمد یوسف بنوری ٹاؤن