کیا موذی مرض کی وجہ سے صفوں میں ایک میٹر کا فاصلہ رکھ سکتے ہیں؟
حضرت انس رضی اللہ عنہ سے روایت ہے کہ نبی اکرم ﷺ نے فرمایا: "پیوستہ اور سیدھی رکھو اپنی صفیں اورنزدیکی کرو ان میں"۔
شارحینِ حدیث نے اس کی تشریح میں یہ بھی فرمایا ہے کہ دوصفوں کے بیچ میں ایک صف قائم ہونے کی جگہ نہ ہو، اس تشریح کے مطابق دوصفوں کے درمیان میں پانچ چھ فٹ سے زیادہ کا فاصلہ بغیر عذر کے شرعاً درست نہیں ہے، اور صف میں دائیں بائیں مل کر کھڑا ہونا سنت ہے، اور بغیر عذر فاصلہ رکھنا مکروہِ تحریمی ہے۔
تاہم اگر کرونا وائرس کی وجہ سے حفظانِ صحت کے اصول کے تحت، حکومتی احکامات اور مسلمان دین دار ، تجربہ کا رڈاکٹر وں کے مشوروں کے مطابق اگر مسجد کی حدود کے اندر فاصلہ رکھ کر نماز پڑھ لی جائے تو نماز ادا ہوجائے گی، تاہم فاصلہ رکھ کر کھڑے ہونا سنتِ متواترہ کے خلاف ہے۔ فقط واللہ اعلم
فتوی نمبر : 144108201178
دارالافتاء : جامعہ علوم اسلامیہ علامہ محمد یوسف بنوری ٹاؤن