کیا دو بھائی اکٹھے ایک گھر میں رہ سکتے ہیں؟
دو بھائیوں کا ایک گھر میں رہنا درست ہے۔
البتہ دیور/ جیٹھ چوں کہ غیر محرم ہے، اس لیے ہر بھائی کی بیوی کے لیے اپنے دیور/ جیٹھ سے پردہ ضروری ہوگا، خصوصاً جب کہ شوہر گھر پر موجود نہ ہو۔ گھر میں کام کاج کی وجہ سے آمنا سامنا ہو تو بایں طور بڑی چادر اوڑھنے کا اہتمام کرلے کہ چہرے، ہتھیلیوں اور پاؤں کے علاوہ پورا جسم پوشیدہ رہے، اور چہرے کے آگے بھی گھونگھٹ بنالے۔ فقط واللہ اعلم
فتوی نمبر : 144111201520
دارالافتاء : جامعہ علوم اسلامیہ علامہ محمد یوسف بنوری ٹاؤن